Ka dhënë dorëheqjen ministri italian i Kulturës, Gennaro Sangiuliano pas skandalit që tronditi qeverinë Meloni në shtetin fqinj.
Ministrit iu zbulua një lidhje jashtëmartesore që kishte me influenceren 41-vjeçare, Maria Rosaria Boccia.
Ai e kishte propozuar 41-vjeçaren si këshilltaren e tij më të lartë, por zbulimi i lidhjes së tyre bëri që ky emërim të mos ndodhë kurrë.
Dorëheqja e tij është pranuar nga kryeministrja Georgia Meloni, ndërsa ministri i kërkoi falje asaj duke e garantuar se ai nuk ka shpenzuar asnjë euro nga paratë e taksapaguesve italianë për aferën e tij seksuale me influenceren.
61-vjeçari i kërkoi gjithashtu falje edhe bashkëshortes së tij.
