Kevin Dervishi, 28-vjeçari shqiptar, i lindur në SHBA, ka arritur të studiojë mutacionin gjenetik që shkakton kancerin e zorrës së trashë në mënyrë për të gjetur kurën e duhur.
Kevin ka përfunduar doktoraturën në “Harvard”, ku ka bërë kërkime të shumta për kancerin e zorrës së trashë.
Studimet e tij në fushën e bioteknologjisë mjekësore, në gjenetikën e kancerit, mbushin me shpresë njerëzit për një kurë të afërt.
“Kur isha i vogël shkova në laborator, te puna e mamit, për kureshtje. Doja të bëhesha shkencëtar.”
Kevin po ndjek shembullin e familjes, pasi gjyshi i tij, Qevqep Kambo, ka qenë ndër ato pak njerëz që kanë dhënë kontribut në fushën e shkencës në Shqipëri. Nga ana tjetër, e ëma është kërkuese shkencore në fushën e bioteknologjisë dhe punon në SHBA, kurse i ati është profesor në Universitetin e Kalifornisë, San Diego.
Gjithashtu, ai tha se gjuhën shqipe e ka mësuar në Universitetin e Harvardit, gjë që e ka emocionuar mjaft të ëmën.
Ai është i martuar me Bellin, e cila është avokate amerikane. Ai u shpreh se e shoqja e dashuron Shqipërinë dhe shqiptarët. Madje, në dasmën e tyre veshën kostumin popullor shqiptar.
