Ekstradimi i Gerald Shehut, i dyshuar për vrasjen e recepsionistit të hotelit “Grecia”, Eraldo Nevruzi ka mbetur pezull prej komplikacioneve proceduriale.
Gerald Shehu, pronari i hotelit dhe i dyshuari kryesor për vrasjen dhe zhdukjen e trupit të Nevruzit, kërkon të mos ekstradohet në Shqipëri pasi sipas tij në këtë vend i rrezikohet jeta.
Gjithashtu, ai shprehet se vrasja ka qenë për vetëmbrojtje, pasi Nevruzi e kishte ofenduar dhe goditur i pari.
Për të shmangur ekstradimin, Shehu ka luajtur kartën e shtetësisë britanike dhe greke të bashkëshortes së tij, duke dhënë dy opsione qëndrimi, ose Angli ose Greqi, por jo në Shqipëri.
Prokuroria e Vlorës ka dërguar në Greqi dosjen penale për vrasjen e Nevruzit dhe ka ka kërkuar ekstradimin e Shehut, që të përballet me akuzat për vrasje dhe fshehjen e trupit të pajetë.
Gjithashtu, në pranga janë vënë edhe dy punonjës të hotelit, Daniel Qose dhe David Larti dhe janë lënë në masën e sigurisë “arrest në burg”, pasi janë përfshirë në ngjarje:
Ndërkohë pritet vendimi i autoriteteve përkatëse.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Haram i muajit
KLIKO PËR TË VOTUAR
Gent Sejko
I pari në listë është Gent Sejko, Guvernatori i Bankës së Shqipërisë, i cili edhe pse e dinte për skemën zhvatëse të mikrokredive, nuk merrte masa, por “bashkëpunonte” me ta. Vetëvrasja e Pal Trashajt është edhe përgjegjësi e tij.
Agron Gaxho
Agron Gaxho, drejtori i spitalit në Elbasan, i cili shkarkoi nga puna një infermiere, me 34 vite punë, vetëm pse ajo denoncoi kushtet e këqija të spitalit në redaksinë e JOQ Albania. Vetëm një ditë pas denoncimit, Agron Gaxho firmosi lirimin e saj, me pretekstin se i ka prishur imazhin institucionit.
Anastas Angjeli
Anastas Angjeli, ish-ministri i cili po torturon shoferët shqiptarë, të cilët e kanë siguruar makinën me kompaninë e tij, “Ansig”. Shumë qytetarë e kanë denoncuar për mashtrime dhe zvarritje të procesit të dëmshpërblimit, madje kanë dyshime se kompania mund të ketë falimentuar fare pasi kanë mbi 1 vit që presin.
Gjovalin Loka
Gjovalin Loka, drejtori i policisë Korçë, i cili iu bënte presion dhe dhunonte fermerët që protestonin, duke urdhëruar efektivët e policisë, t’i shtynin sa më fort. Ai madje urdhëroi edhe gjobitjen e tyre, me vlera që shkonin deri në 1 milionë lekë. Nga pamjet u pa se si Gjovalini, kujdesej vetë që fermerët të mos ngrinin zërin, për hallin e tyre.
Atdhe Islami
Atdhe Islami, është pronari i një byrektoreje në Dhërmi, shpifës dhe abuzues i niveleve të larta. Përveçse i faturon pushuesit me çmime të larta në byrektoren e tij, por edhe shpif ndaj medias, JOQ, se e kanë shantazhuar dhe i kanë kërkuar lekë për publikimin e një fotoje.
Ermal Dredha
Ermal Dredha, kryebashkiaku i Vlorës, i cili duket se gjatë gjithë kohës është me pushime dhe ka harruar punët e qytetit. Zjarri në landfillin e mbeturinave, për të disatën herë në Vlorë, është përgjegjësi direkte e tij, pasi nuk mori masa paraprake dhe për disa ditë me radhë helmoi banorët dhe pushuesit.
