Gjykata Themelore në Prishtinë ka lëshuar urdhërarrest ndaj Astrit Mehmetit, i njohur me nofkën “Llepota”.
Burimet e Paparacit konfirmojnë se urdhërarresti është lëshuar të mërkurën dhe përfshin dy vepra penale: “Pengim i personit zyrtar në kryerjen e detyrave zyrtare” dhe “Mbajtja në pronësi, kontroll ose posedim i paautorizuar i armëve”.
Astrit Mehmeti, i njohur si “Llepota”, ka një histori të gjatë me organet e rendit, si brenda Kosovës ashtu edhe jashtë saj.
Ai ka qenë shpesh në qendër të vëmendjes për përfshirjen e tij në aktivitete kriminale dhe konflikte të armatosura.
Një nga ngjarjet më të rënda është konflikti i armatosur në diskotekën “Duplex” në nëntor të vitit 2019.
Ky incident rezultoi në plagosjen e katër pjesëtarëve të sigurimit të lokalit: Mentor Bogujevci, Arben Jashari, Kujtim Gashi dhe Arsim Shala.
Pas këtij konflikti të dhunshëm, Mehmeti arriti të shmangte arrestimin duke u arratisur në Spanjë, ku ai qëndroi për disa kohë.
Megjithatë, në prill të vitit 2021, autoritetet spanjolle arritën ta arrestonin atë, duke vepruar në bazë të një urdhërarresti ndërkombëtar.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Haram i muajit
KLIKO PËR TË VOTUAR
Gent Sejko
I pari në listë është Gent Sejko, Guvernatori i Bankës së Shqipërisë, i cili edhe pse e dinte për skemën zhvatëse të mikrokredive, nuk merrte masa, por “bashkëpunonte” me ta. Vetëvrasja e Pal Trashajt është edhe përgjegjësi e tij.
Agron Gaxho
Agron Gaxho, drejtori i spitalit në Elbasan, i cili shkarkoi nga puna një infermiere, me 34 vite punë, vetëm pse ajo denoncoi kushtet e këqija të spitalit në redaksinë e JOQ Albania. Vetëm një ditë pas denoncimit, Agron Gaxho firmosi lirimin e saj, me pretekstin se i ka prishur imazhin institucionit.
Anastas Angjeli
Anastas Angjeli, ish-ministri i cili po torturon shoferët shqiptarë, të cilët e kanë siguruar makinën me kompaninë e tij, “Ansig”. Shumë qytetarë e kanë denoncuar për mashtrime dhe zvarritje të procesit të dëmshpërblimit, madje kanë dyshime se kompania mund të ketë falimentuar fare pasi kanë mbi 1 vit që presin.
Gjovalin Loka
Gjovalin Loka, drejtori i policisë Korçë, i cili iu bënte presion dhe dhunonte fermerët që protestonin, duke urdhëruar efektivët e policisë, t’i shtynin sa më fort. Ai madje urdhëroi edhe gjobitjen e tyre, me vlera që shkonin deri në 1 milionë lekë. Nga pamjet u pa se si Gjovalini, kujdesej vetë që fermerët të mos ngrinin zërin, për hallin e tyre.
Atdhe Islami
Atdhe Islami, është pronari i një byrektoreje në Dhërmi, shpifës dhe abuzues i niveleve të larta. Përveçse i faturon pushuesit me çmime të larta në byrektoren e tij, por edhe shpif ndaj medias, JOQ, se e kanë shantazhuar dhe i kanë kërkuar lekë për publikimin e një fotoje.
Ermal Dredha
Ermal Dredha, kryebashkiaku i Vlorës, i cili duket se gjatë gjithë kohës është me pushime dhe ka harruar punët e qytetit. Zjarri në landfillin e mbeturinave, për të disatën herë në Vlorë, është përgjegjësi direkte e tij, pasi nuk mori masa paraprake dhe për disa ditë me radhë helmoi banorët dhe pushuesit.
