Spitali Psikiatrik i Tiranës është në gjendje skandaloze, duke shkaktuar probleme të mëdha për pacientët dhe familjarët pasi janë të detyruar të përballen me kushte të mjerueshme që përkeqësojnë edhe më tej situatën e tyre.
Një qytetare që ka denoncuar këto problematika në spitalin “Xhavit Gjata” thotë se situata kërkon ndërhyrje urgjente pasi mungesa e infrastrukturës bazë, si dritaret, bën që pacientët të jenë të pambrojtur nga insektet dhe kushtet atmosferike.
Ajo thotë se pamja e jashtme e spitalit mund të duket e mirë, por kjo nuk është e mjaftueshme kur kushtet e brendshme janë skandaloze.
Qytetarja pyet qeverinë dhe institucionet përkatëse se ku kanë përfunduar fondet e dedikuara për përmirësimin e kushteve në QSUT dhe në spitalet e tjera.
Ajo i bën thirrje SPAK-ut që të shqyrtojë me urgjencë tenderimet dhe menaxhimin e fondeve në QSUT dhe të ndërhyjë nëse ka shkelje apo keqpërdorime.
Por se sa do i dëgjojë qeveria dhe SPAK thirrjet e qytetares mbetet për t’u parë pasi denoncimet e shqiptarëve për kushtet skandaloze të spitaleve janë të shumta, por marrja e masave dhe ndërhyrja për përmirësimin e tyre inekzistent.
Denoncimi i qytetares:
Gjendja tek Spitali Psikiatrik Tiranē. Nuk mjaftojnē hallet qē kanē njerēzit,por duhet tē pērballen dhe me kushtet skandaloze dhe tē mjerueshme tē spitalit. Kur temperaturat shēnojnē mbi 40 gradē,pacientēt dhe familjarēt e shkretē,torturohen nē kēto ambjente skandaloze qē as nē Gaza ku zhvillohet lufta nuk janē tē tilla. Shēndetsia falas?!
Nēse kjo quhet shēndetsi falas,ky vend ska pēr tu bērē kurrē me kēta politikanē qē vetēm dinē tē vjedhin dhe aspak tē bējnē punēn pēr tē cilēn janē zgjedhur dhe votuar. Meqē kētē kohē SPAK ēshtē bērē kryefjala e mediave dhe e tavolinave tē pērditshme,i bēj thirrje tē hedh njē sy dosjeve tē tenderimeve kētej nga QSUT. Ku kanē shkuar fondet qē gjendja ēshtē kaq e mjerueshme tek ky spital? 🤔 Kam dhe njē pyetje pēr kryeministrin e vendit tim:
Edhe sa ministra tē tjerē shēndetsie duhen ndērruar qē tē venē dorē tek ky spital?! Zoti pastē mēshirē pēr ju 🙏
Shto kētu faktin qē nē mungesē tē dritareve,natēn mushkonjat tē lēnē pa gjumē sikur nuk mjaftojnē tenperaturat e larta dhe na ruaj Zot po ra ndonjē shi,duhet hequr dysheku fare nga krevati sepse ca bie jashtē,futet brenda.
Nuk mjafton vetēm fasada nēse kushtet brenda janē skandaloze. Tiranē
