50 Cent i është përgjigjur ashpër djalit të tij, i cili i ofroi reperit 6,700 dollarë për të kaluar një ditë me të.
Reperi i njohur nga hiti "In da Club", emri i vërtetë i të cilit është Curtis Jackson, është autor i disa prej këngëve më të pëlqyera të këtij shekulli. Tani duket se është në një konflikt të vazhdueshëm me djalin e tij.
50 Cent ka dy djem me dy gra të ndryshme, por duket se i trajton ata ndryshe nga njëri-tjetri.
Ai është larguar nga djali i tij i madh, Marquise, por është një baba i përkushtuar ndaj djalit të tij më të vogël, Sire.
Sire, i lindur në shtator të vitit 2012 nga 50 Cent dhe e dashura e tij e atëhershme, modelja Daphne Joy, gëzon të gjitha përfitimet që vijnë me të pasurit një baba të famshëm. Megjithatë, marrëdhënia e 50 Cent me djalin e tij të madh duket se është krejt e kundërta...
Marquise, i cili lindi më 13 tetor 1996, ka qenë i larguar nga babai i tij për më shumë se një dekadë, pjesërisht për shkak të ndarjes së trazuar të reperit nga nëna e tij, Shaniqua Tompkins, në vitin 2008.
"Ai nuk na gjendej pranë. Gjërat filluan të zbehen me kalimin e kohës dhe me ngjarje të caktuara që ndodhën. Por më pas, kur u rrita, fillova të kuptoj gjërat ose të shoh modele të caktuara, dhe kjo ndikoi në marrëdhëniet e mia me njerëzit.”
Marquise postoi në Instagram duke e lutur 50 Centin të kalontë një ditë me të... Ai ka kritikuar babain e tij, duke pretenduar se paratë që ai i paguante nënës së tij çdo muaj si mbështetje për të nuk ishin të mjaftueshme.
Në mbishkrim, djali i 50 Cent shkroi: "Meqenëse të gjithë mendoni se 6,700 dollarë janë shumë para, dikush t’i thotë babait tim se do t’i paguaj 6,700 dollarë për vetëm 24 orë të kohës së tij që të bëjmë gjithçka që kam dashur ndonjëherë të bëj me të si fëmijë.”
Marquise më parë kishte deklaruar se reperi i paguante nënës së tij 6,700 dollarë në muaj për mbështetje për të. Megjithatë, ai mendon se kjo nuk ishte e mjaftueshme.
Pas kërkesës së djalit të tij, 50 Cent u përgjigj në një mënyrë të vërtetë brutale duke postuar një klip nga seriali i tij "Power".
Në skenë, personazhi që ai luan, i quajtur Kanan vret djalin e tij, me mbishkrimin: "S’ka nevojë për përshkrim!”
