Një plagosje me armë zjarri ka ndodhur këtë të hënë në kompleksin Kika 2, në zonën e Komunës së Parisit në Tiranë. I plagosur nga të shtënat ka mbetur shtetasi Loren Kosta, i cili është dërguar me urgjencë në Spitalin e Traumës. Sipas burimeve, gjendja e Kostës paraqitet stabël pas ndërhyrjes mjekësore.
Autori i dyshuar është identifikuar si Erion Goxharja, një efektiv policie, i cili kolegëve të tij u tha se Kosta i kishte ngacmuar gruan. Turistët që ndodheshin në zonë i kanë dhënë ndihmën e parë të plagosurit, para se të mbërrinte ndihma mjekësore.
Burime për JOQ bëjnë me dije se polici, pasi e ka qëlluar Kostën e ka filmuar me telefonin e tij.
