Nëse po mendoni të vizitoni Dubrovnikun, mendoni mirë për bagazhet që do të merrni me vete.
Falë rregullave të reja, vizitorëve në qytetin e vjetër të Dubrovnikut u ndalohet të tërheqin valixhet me rrota përgjatë rrugëve.
Vendimi u propozua nga kryebashkiaku, Mato Frankovic dhe sipas tij ishte një përpjekje për të pakësuar ndotjen akustike, pasi vendasit janë lodhur duke u zgjuar natën nga zhurmat e valixheve të udhëtarëve.
Po çfarë ndodh me ata që kapen duke zvarritur valixhet e tyre me rrota? Do të gjobiten me 265 euro. Dhe sipas kryebashkiakut këto rregulla janë “vetëm fillimi”.
Vetëqeverisja lokale shpreson që me përpjekje të përbashkëta ta zgjidhë problemin e valixheve në Dubrovnik dhe të futet një sistem sipas të cilit çantat do të depozitohen jashtë qytetit dhe do të transportohen deri në akomodim me korrier.
