Një qytetar ka ngritur shqetësimin për cilësinë e trahanasë prodhuar nga kompania “Alegria”.
Ai ka treguar për JOQ ALBANIA se pak ditë më parë ka blerë një pako me trahana në një supermarket në Elbasan, por brenda saj, ashtu siç shihet në video, ka konstatuar miza.
Pas këtij denoncimi që ngre pikëpyetje serioze mbi standardet e higjienës dhe sigurisë ushqimore të produktit, JOQ ALBANIA kërkoi një reagim nga kompania “Alegria”.
Kjo e fundit thotë se ka marrë masa per tërheqjen e produktit nga tregu duke filluar pikësëpari me marketin ku është identifikuar problemi por edhe gjithë tregjet e tjera ku ky lot produkti ka shfaqur këtë problem.
Për denoncimin i cili është një thirrje për veprim nga AKU, përgjegjëse për mbrojtjen e konsumatorit dhe shëndetin publik, nuk ka asnjë reagim edhr pse është e domosdoshme që të sigurohet cilësia dhe siguria e produkteve ushqimore që dalin në treg.
Denoncimi i qytetarit:
"Nga duart e gjyshes🐜" Trahana Alegria. Para 30 min e bleva, doli me miza
Reagimi nga Alegria:
Pershendetje te nderuar zoterinj.
Se pari ju falenderojme qe ndate me neve shqetesimin e qytetarit dhe shprehim keqardhjen dhe ndjesen tone per ate qe i ka ndodhur me produktin tone. Ju lutem nese deshironi na nisni nje kontakt te tij per ti kerkuar ndjese dhe ofruar kompensimin per demin e shkatuar.
Kompania jone e vleresoi seriozisht kete ankese dhe menjehere mori masa per terheqjen e produktit nga tregu duke filluar pikesespari me marketin ku eshte identifikuar problemi dhe keto dite po identifikohet dhe terhiqet nga tregu i gjithe loti i produktit qe ka shfaqur kete problem, proces i cili permbyllet brenda ketyre 3 diteve.
Pas kesaj do te kryhet edhe ekzekutimi i produktit me problem conform procedurave ligjore.
Duke perfituar nga rasti po ju bejme me dije se kompania jone operon me produktet e saj prej 15 vitesh ne tregun shqiptar por edhe ne USA Kanada dhe Angli duke u siguruar per prodhimin e produkteve absolutisht cilesore dhe conform standarteve. Gjithsesi problematikat jane pjese e punes dhe sigurisht qe neve perpiqemi cdo dite me perkushtim dhe devotshmeri ti eleminojme ato.
Ju falenderojme dhe ju urojme pune te mbare!
ALEGRIA FOOD ALBANIA
