Një 31-vjeçar është vënë në pranga pasi ka përplasur me makinë drejtuesin e një biçiklete mbrëmjen e djeshme.
Aksidenti ka ndodhur mbrëmjen e djeshme rreth orës 23:30, në Sektor Rinia në Durrës ku shtetasi me inicialet G. D., 31 vjeç ka aksidentuar shtetasin me inicialet Th.D., 55 vjeç, që po lëvizte me biçikletë.
I aksidentuari është dërguar në spital ku ka humbur edhe jetën për shkak të plagëve të marra në spital.
Materialet procedurale i kaluan Prokurorisë për të ndërmarrë veprime të mëtejshme.
Njoftimi i policisë:
Specialistët e Sektorit të Policisë Rrugore arrestuan në flagrancë shtetasin G. D., 31 vjeç, pasi dyshohet se rreth orës 23:30 të datës 29.07.2024, në Sektor Rina, duke drejtuar automjetin, ka aksidentuar shtetasin Th. D., 55 vjeç, që lëvizte me biçikletë, i cili si pasojë e plagëve të marra ka humbur jetën në spital.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
