Qyteti bregdetar i Durrësit ka pësuar një rënie të ndjeshme të vizitorëve për muajin korrik.
Administratorët e resorteve në bregdet thonë se numri i turistëve ka rënë me 10% krahasuar me të njëjtën periudhë të vitit të kaluar, duke sjellë shqetësim për sektorin e turizmit lokal.
“Duhet ta themi se pritshmëritë për verën 2024 ishin më të mëdha pêr të gjitha hotelet e bregdetit. Kemi një 10% minus krahasuar me vitin e 2023. Edhe me kompanitë që bashkëpunojmë për sjelljen e turistëve kemi rënie me 10%. Pritshmëritë për vitin 2024 ishin shumë të mëdha, por ne do analizojmë ku ishte problemi”.
Ndër faktorët që mund të kenë kontribuar në këtë rënie të numrit të turistëve përmendet: Rritja e konkurrencës nga destinacione të tjera turistike në rajon, që ofrojnë paketa tërheqëse dhe çmime konkurruese, problemet me infrastrukturën, si rrugët dhe sistemet e ujit dhe energjisë, por edhe rritja e çmimeve në hotele, restorante dhe shërbime të tjera.
Ndërkohë që liberalizimi i vizave për Kosovën ka ndikuar në mënyrë të drejtpërdrejtë në rënien e numrit të turistëve pasi tani po zgjedhin Rajonin dhe Evropën para Shqipërisë.
“Liberalizimi i vizave për Kosovën e dinim që do kishte ndikim, por jo kaq shumë dhe mbi të gjitha gjatë verës. Kjo është edhe njê ndër arsyet pse kemi 10% më pak turistë në korrik”.
Administratorët e resorteve nê Adriatik shpresojnë që muaji gusht dhe shtator të plotësojë boshllëkun e krijuar në dy muajt e parë të sezonit.
