Një incident i rrezikshëm është shënuar mbrëmjen e sotme në Babrru, ku kabujt e dritave të tensionit të lartë janë përfshinë nga flakët. Banorët e zonës deklarojnë për JOQ se kjo ka ardhur pas ndërhyrjeve të pakujdesshme në infrastrukturën elektrike.
Sipas një qytetari, zjarri shpërtheu për shkak të punimeve të pakontrolluara në rrugë dhe zhvendosjes së shtyllave elektrike pa masat e duhura të sigurisë.
“Ne Babrru kanë marrë kabujt e dritave flakë të gjitha. Po bëjnë rrugët dhe nga lëvizja e shtyllave, si kanë rregulluar si duhet dhe do jenë bashkuar,” thotë ai.
Përveç kësaj, qytetari akuzoi zjarrfikësit për përgjigje të papërshtatshme ndaj situatës emergjente. “Zjarrfikësja nuk veproi siç duhet sepse në vend të shkumës kanë përdorur ujë në elektricitet,”-theksoi ndër të tjera.
Përdorimi i ujit mbi flakët e kabujve të tensionit të lartë me elektricitet përbën një rrezik të madh, pasi uji mund të tejçojë më tej rrymën elektrike dhe të shkaktojë incidente të rënda.
