Këtë fundjavë është rritur ndjeshëm fluksi i lëvizjes në të dyja anët e kufirit në doganën e Kakavijës.
Rreth 15 mijë persona kanë hyrë në vendin tonë si dhe kanë udhëtuar drejt Greqisë këtë fundjavë, bazuar në informacionin e Policisë Kufitare në Gjirokastër.
Pjesa më e madhe janë bashkatdhetarët tanë që vijnë me pushime në vendlindje.
Përkohësisht, falë masave të marra nga Policia Kufitare në Kakavijë si dhe nga pala greke në sportelet e dokumenteve, nuk janë regjistruar radhë pritje.
