Leon Kaza, mjek Obsteter Gjinekolog, nxjerr bllof me komentin e tij “investimet” e Ilir Beqës në shëndetësi.
Ministri i Shëndetësisë, Ilir Beqaj, ashtu si gjithë kabineti i qeverisë Rama e kanë për zakon ta propagandojnë çdo “punë” të tyren me nga dhjetëra foto në rrjetet sociale.
Shpeshherë komentuesit e përgënjeshtrojnë punën e tyre duke nxjerrë një kontradiktë të pastër mes realitetit dhe reklamës.
Këtë herë mjeku që punon në maternitetin e Lezhës e ka zënë ngushtë Ilir Beqajn me komentin e tij në Facebook. Në fakt ky është rasti i dytë që demaskohet ministri Beqaj pas denoncimit që bëri infermieri Frrok Bardhi.
Mjeku Leon Kaza shkruan: “Përshëndetje! Investimet në mjekësi janë të mirëpritura ndaj gjejnë përkrahje të gjerë. Janë bërë investime në maternitetin e Gjirokastrës, Sarandës e tani në Korçë. Pyes mbi ç'baza përcaktohen investimet?! Materniteti i Lezhës prej kohësh kërkon ndërhyrje, bazuar në statistika shërbimesh të ofruara dhe popullsie (u ofron kujdes shëndetësor rretheve Lezhë, Kurbin,Mirditë e tash së fundmi edhe Mat)besoj prej kohësh duhej ndërhyrë në përmirësimin e gjendjes e cila është e mjerueshme. Uroj së shpejti të jetë në planet tuaja!"
