Një grua e moshës rreth 32-vjeçare, nga Komuna e Malishevës, ka vdekur sot në Qendrën Klinike Universitare të Kosovës, pasi që e njëjta ishte aksidentuar.
Lajmin për vdekjen e saj e ka konfirmuar Naser Syla drejtori i Emergjencës në QKUK.
E ndjera kishte qenë shtatzënë dhe fatkeqësisht nuk ka arritur t’u mbijetojë plagëve të shkaktuara nga aksidenti.
“Pacientja është sjellë tek ne rreth orës 8:30. Për fat të keq lëndimet ishin aq të rënda dhe e njëjta nuk ka arritur të mbijetojë. E njëjta ka qenë edhe shtatzënë”, ka thënë Syla.
