Mjekët e spitalit Onkologjik janë paraqitur në GJKKO për t’u njohur me masat e sigurisë, pasi Prokuroria e Tiranës shpalli moskompetencë dhe dosja në ngarkim të 7 të të akuzuarve i kaloi SPAK.
Por ndryshe nga hera e parë ku mjekët ishin të revoltuar dhe nuk iu pëlqente prania e mediave, këtë herë ishin më të relaksuar.
Mjekja Alketa Pere, u shfaq e buzëqeshur dhe e kuruar para mediave. Ajo zgjodhi të kalonte para gazetarëve me syze dhe telefonin në vesh, por “komplimenteve” të tyre s’u rezistoi dot.
“Qenke bërë e bukur sot”, ishte ironia që përdorën gazetarët për mjeken e cila u largua duke buzëqeshur dhe la avokatin t’i falenderonte.
Ndërkohë që mjeku Edmond Gashi këtë herë ishte më i qetë dhe nuk dha asnjë prononcim për mediat.
