Faton Hajrizi intervistën e fundit televizive e kishte dhënë para 10 muajve.
Në të ai kishte rrëfyer se si ishte burgosur, e si kishte arritur të arratiste nga burgu tetë herë radhazi.
Madje ai kishte bërë edhe thirrje publike që të lirohet me kusht.
Gjatë intervistës moderator i emisionit, Arsim Lani e kishte pyetur Hajrizin “Kush është personi i parë që kishe pasë dëshirë më të ardhë ditën e lirimit?”
Ai pa menduar dy herë kishte thënë emrin e ish luftëtarit të UÇK-së, Sami Lushtakut.
“Kuptohet gjenerali Sami Lushtaku. Kam respekt për të. Edhe tani kam kontakt me të, familjarisht. E vlersojmë edhe si kryetarë që ka qenë, edhe si lider”, ishte përgjigjur ai.
