Janë publikuar fotot e pallatit në ndërtim në rrugën “Ramazan Shijaku”, nga ku Olsi Ibro, i akuzuar për përfshirje në skandalin e mikrokredive, vendosi t'i japë fund jetës.
Deri kohët e fundit, Olsi Ibro dhe bashkëshortja e tij, Elda Ibro, administronin institucionin e mikrokredive "Micro Credit Albania". Vetëm një ditë më parë, Prokuroria e Tiranës vuri nën sekuestro preventive shoqëritë "Micro Credit Albania" dhe "Final".
Këto dy shoqëri janë akuzuar për "Mashtrim me pasoja të rënda, kryer më shumë se një herë dhe në bashkëpunim", si dhe për "Pastrimin e produkteve të veprës penale apo veprimtarisë kriminale", kryer në bashkëpunim.
