Dy persona të panjohur kanë përfunduar në kronikën e zezë të krimit të ditës së sotme për një budallallëk “alla shqiptarçe”. Një 31-vjeçar nxorri armën e zjarrit dhe plagosi një të moshuar 70-vjeçar pas një konflikti çasti në lokal.
Jemi të gjithë dakord që vapa luan rolin e saj në mendjen e njerëzve, por si duket në Shqipëri ajo vjen me më shumë “vrull”. Si përfundim, 31-vjeçari përfundoi në prangat e policisë, ndërsa 70-vjeçari në spital.
E gjitha kjo vetëm prej një konflikti të çastit. Mirë se vini në Shqipëri miq!
Njoftimi i policisë:
Plagosi me armë një 70-vjeçar, dyshohet pas një konflikti të çastit në një lokal në lagjen nr. 17, falë reagimit në kohë të Policisë, kapet në tentativë për t’u larguar dhe shoqërohet në Polici autori i dyshuar. Policia gjeti në brendësi të lokalit ku ndodhi ngjarja dhe sekuestroi në cilësinë e provës materiale armën e zjarrit pistoletë.
Rreth orës 19.30, në një lokal në lagjen nr. 17, dyshohet se si pasojë e një konflikti të çastit , shtetasi A. H., 31 vjeç, banues në lagjen nr. 17 Durrës, ka plagosur me armë zjarri pistoletë shtetasin F. H, rreth 70 vjeç, banues në Durrës, i cili ndodhet në spital nën kujdesin e mjekëve.
Falë reagimit të menjëhershëm të shërbimeve Operacionale dhe Shqiponja kapet në tentativë për t’u larguar dhe shoqërohet në Polici,për veprime të mëtejshme autori i dyshuar i plagosjes.
Ndërkohë shërbimet e Policisë kanë shoqëruar dhe një shtetas tjetër, konkretisht shtetasin A.T, 56 vjeç, që ishte bashkë me autorin e dyshuar të ngjarjes në momentin kur ka ndodhur ngjarja
Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje.
