Deri më sot, duke pasur parasysh se ka skaduar afati për raportimin e pasurisë së deputetëve aktualë, vetëm 5 për qind e deputetëve, përkatësisht gjashtë deputetë nuk kanë dorëzuar fare deklaratë të gjendjes pronësore dhe interesave, pas zgjedhjes në funksionin e deputetit, ndërsa 7,5 për qind e deputetëve, përkatësisht nëntë deputetë, kanë ende afatin 30-ditor në të cilin duhet të përmbushin këtë detyrim ligjor, deklaroi sonte kryetarja e Komisionit Shtetëror për Parandalimin e Korrupsionit (KSHPK), Tatjana Dimitrovska.
“Më duhet të them se një numër kaq i madh, pra interesimi dhe respektimi i tillë i detyrimit ligjor të zyrtarëve për të deklaruar pasurinë, është për shkak të rolit tonë proaktiv, sepse në shumë raste me një deklaratë të dërguar në media dhe të publikuar në faqen tonë të internetit, inkurajuam dhe treguam obligimin ligjor, tha Dimitrovska në intervistë për “TV24”.
Në lidhje me këta gjashtë deputetë të cilët nuk e kanë respektuar afatin ligjor, ajo ka thënë se ka filluar procedura për ngritjen e procedurës për kundërvajtje.
“Mund të lexoj disa emra të cilët nuk kanë dorëzuar fare, por është duke u bërë një hetim, një numër i madh i këtyre zyrtarëve nuk kanë pasur informacion që duhet t’i dorëzojnë elektronikisht, i kanë dorëzuar në letër. Sipas të dhënave që kam unë nuk kanë dorëzuar Petar Ristevski, Mile Cekov, Fedite Haxhiu ka ende afat, dhe Elmi Azili, këta janë deputetët nga përbërja e re që ende nuk kanë dorëzuar as në letër, as nuk janë regjistruar në sistemin elektronik”, tha Dimitrovska.
E pyetur për rastin e ish-ministres së mbrojtjes Sllavjanka Petrovska, për të cilën OBRM-PDUKM ka paraqitur ankesë se është posedon haciendë dhe vazhdimisht mban konferenca për shtyp dhe për të cilën Petrovska tashmë ka pasur një rast gjyqësor që e ka fituar dhe ka dëshmuar se hacienda nuk është në emër të saj, a do të punojë KSHPK-ja përsëri në atë parashtresë, Dimitrovska është përgjigjur në mënyrë pohuese.
“Në pjesën e shqyrtimit të gjendjes pronësore, të cilën të gjithë të zgjedhurit dhe të emëruarit kanë detyrimin ta raportojnë elektronikisht në sistemin e KSHPK-së sipas të dhënave të tilla, kemi detyrim dhe është miratuar një plan vjetor për kontrollin e gjendjes pronësore. Në atë plan vjetor është përcaktuar se do të hetohet pasuria e këtyre kategorive të zyrtarëve: katër gjyqtarë dhe prokurorë, tre zyrtarë nga fusha e shëndetësisë, katër kryetarë komunash dhe anëtarë të këshillit, tre drejtorë të ndërmarrjeve publike dhe shoqërive aksionare. Përveç këtij numri, ky është një numër i vogël kontrollesh pronësie, sigurisht që objekt kontrolli do të jenë edhe raste të tilla aktuale, të cilat ne kemi detyrim t’i hapim me kërkesë, pra me iniciativën personale dhe të dhëna të siguruar në mënyrë tjetër”, nënvizoi Dimitrovska.
Sipas Ligjit për Parandalimin e Korrupsionit dhe Konfliktit të Interesave, personat e zgjedhur dhe të emëruar (neni 82 dhe neni 85) kanë detyrimin të paraqesin deklaratën e gjendjes pasurore dhe të interesave dhe ndryshimet në gjendjen pasurore të interesave në formë elektronike, brenda afatit prej 30 ditët e zgjedhjeve/ emërimit, përkatësisht ndryshimi i gjendjes pasurore dhe i interesave. Një kopje e shtypur e deklaratës dorëzohet në KSHPK. Deklarata e gjendjes pronësore dhe e interesave plotësohet dhe dorëzohet edhe përmes sistemit elektronik për gjendjen pronësore.
