Krah për krah me kolegët e batalioni të dytë të këmbësorisë, ushtarakët e kësaj njësie me guxim dhe vetëmohim u përfshinë në lokalizimin e zjarreve që në fillim, thuhet në postimin në profilin e URMV-së në Facebook.
Sipas informacioneve të fundit nga Mbrojtja, në terren ndodhen rreth 100 pjesëtarë të Ushtrisë, ndërsa janë aktivizuar dy helikopterët e “WING” të Aviacionit, të cilët ndërhynë fundjavën e kaluar me 22 kova dhe kanë hedhur 44 tonë ujë në lokacionet ku u kërkua.
Ndryshe, mëngjesin e sotëm në orën 07:30 është lokalizuar zjarri në malin Lisec, në mes të fshatrave Drenovë dhe Jabollçishti i Poshtëm.
