Flori Tahiri, 42 vjeç, është drejtuesi i gomones i cili u arrestua nga policia e Vlorës pas një incidenti të rëndë të ndodhur ditën e djeshme në Gjirin e Shën Janit në Karaburun.
Tahiri goditi me helikën e gomones së tij pushuesin 60-vjeçar Alban Kukaviqi. Burime për JOQ bënë me dije se Kukaviqi humbi njërën këmbë.
Ai u dërgua me urgjencë në spital nëpërmjet një helikopteri shtetëror. Fatmirësisht, mjekët raportojnë se ai është jashtë rrezikut për jetën.
Tahiri, banues në Vlorë, u arrestua menjëherë pas incidentit dhe tani përballet me akuzën për “Plagosje e rëndë me dashje”.
