Pagesa në aksin e sapo ndërtuar Thumanë-Kashar është hequr përkohësisht për një sërë arsyesh.
Edhe pse në fillim u tha se trau do jetë falas për dy javë, pagesa 270 lekëshe është vënë në zbatim që ditën e sotme.
Por kjo ka shkaktuar trafik të rënduar dhe kaos të madh në autostradën 21 km që i ka kushtuar buxhetit të shtetit 267 milionë euro.
Shkak për trafikun e krijuar është bërë puna me vetëm dy sportele dhe kthimi i kusurit.
Qytetarët kanë treguar për JOQ ALBANIA se punonjësit e sporteleve nuk kishin para për t'iu kthyer kusur dhe kjo ka krijuar shumë probleme. Një qytetar është përplasur me një punonjëse pasi pagesën e ka bërë në euro, ndërsa kusurin ia kanë kthyer në lekë.
Përveç këtyre problemeve, qytetarët janë irrituar edhe me pagesën e cila ishte parashikuar të ishte vetëm 2.1 euro. Por sot pa pritur e pa kujtuar, Gener 2, koncesionari për 35 vitet e ardhshme, e ka bërë çmimin e rrugës 270 lekë.
Në komente dhe pas tastierës, qytetarët kanë paralajmëruar protesta, por sa të vërteta do jenë ato mbetet për t'u parë.