Disa unaza të zeza misterioze u shfaqën në qiell mbi kryeqytetin Gjerman ditën e djeshme.
Spekulime të ndryshme për fenomenin misterioz kanë qarkulluar në internet: Nga alienët e deri tek tufat e shpendëve.
Në Instagram po qarkullojnë video që tregojnë tre unaza të zeza në qiell të cilat duket sikur janë formuar nga tymi.
Një përdorues i Instagramit shpjegon se unazat janë "blozë ose gazra shkarkimi". Kjo ndodh kur ka një shpërthim me fishekzjarre ose materiale piroteknike. Ajo që mbetet më pas në qiell janë grimcat e blozës.
Të pyetur nga BILD, përfaqësuesit e kompanisë piroteknike në zonë nuk kanë dashur të komentojnë mbi unazat misterioze.
