Sekti i Rilindjes, i ardhur në pushtet që në vitin 2013, janë tjetër nivel përsa i përket aktrimit, sidomos në momentet dramatike.
I kemi parë shumë herë me kokën ulur dhe me lot krokodili në rastin e ngjarjes së 21 Janarit, ku shkojnë dhe vendosin karafila në bulevard, për katër viktimat që u vranë ditën për diell në mes të sheshit.
Ky aktrim, konkurues për filmat e Hollywood, u pa edhe në ceremoninë mortore të shkrimtarit Ismail Kadare.
Figura të njohura të Rilindjes, me në krye Erion Veliajn, u panë aq të pikëlluar sa nuk i kemi parë kurrë më parë, as për 21 Janarin.
Veliaj mbante prej krahu bashkëshorten e Kadaresë, Helenën, e cila, u përdor për imazhin e kryebashkiakut që është i nxirë në korrupsion, por jo vetëm. Veliaj shfaqej si një njeri i afërt i familjes, por që në fakt është një shfrytëzues i situatave.
Nga ana tjetër, ministre dhe ish-ministre të Ramës, të veshura me të zeza, u panë teksa mbanin karafila në dorë dhe në fytyrë dukeshin të pikëlluara me një lloj sforcimi që evidentohej qartë.
E parë nga kjo, i gjithë ky sekt duken më të pikëlluar për vdekjen e shkrimtarit Ismail Kadare sesa për viktimat e 21-Janarit, të cilët i nxorrën vetë në pritë, e sot as nuk bëjnë përçapjen më të vogël për drejtësi.
