Një 46-vjeçar është plagosur me thikë pasditen e djeshme në Kavajë.
Ngjarja ka ndodhur në shtëpinë e 46-vjeçarit me iniciale L.D pas dhunës që ka ushtruar ndaj bashkëshortes. Babai i kësaj të fundit ka ndërhyrë dhe ka plagosur me thikë bashkëshortin e saj.
46-vjeçari i plagosur u arrestua pasi ushtronte vazhdimisht dhunë ndaj bashkëshortes së tij. Gjithashtu, gjatë kryerjes së veprimeve procedurale nga policia, pasditen e djeshme, nuk ka kallëzuar për rrethanat dhe autorin e plagosjes.
Në pranga ka rënë edhe babai që plagosi me thikë dhêndrin.
Njoftimi i policisë:
Specialistët për Hetimin e Krimeve të Komisariatit të Policisë Kavajë, në përfundim të veprimeve të kryera për ngjarjen e ndodhur pasditen e djeshme, arrestuan në flagrancë shtetasit:
P.D., 64 vjeç, banues në Kavajë, pasi dyshohet se ka plagosur me mjet prerës (thikë), bashkëshortin e vajzës së tij, shtetasin L. D., i cili është jashtë rrezikut për jetën;
L.D., 46 vjeç, banues në Kavajë, pasi dyshohet se ka ushtruar vazhdimisht dhunë ndaj bashkëshortes së tij. Gjithashtu, gjatë kryerjes së veprimeve procedurale nga Policia, pasditen e djeshme, nuk ka kallëzuar për rrethanat dhe autorin e plagosjes.
Materialet procedurale i kaluan Porkurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Prodhimi, mbajtja, blerja apo shitja pa leje e armëve të ftohta”, “Dhuna në familje” dhe “Moskallëzimi i krimit”.
