Një 35-vjeçar ka humbur jetën në orët e para të mëngjesit të kësaj të enjte në autostradën Tiranë-Durrës.
R.T., ka qenë duke udhëtuar me një motor ku rreth orës 01:20 ka humbur drejtimin duke u rrëzuar në rrugë. Si pasojë e plagëve të marra 35-vjeçari ka ndërruar jetë në vendin e ngjarjes.
Burime për JOQ Albania bëjnë me dije se aksidenti ishte shumë i rëndë. Pjesë të trupi të 35-vjeçarit ishin shpërndarë gjithandej në rrugë dhe qytetarë të shumtë kishin dalë, me "dritën" e telefonit, të ndihmonin policinë për gjetjen.
Gjithashtu ata kanë ndihmuar edhe shoferët e tjerë në mënyrë që të ulnin shpejtësinë, pasi mungonte ndriçimi.
Njoftimi i Policisë:
Tiranë/Informacion paraprak
Më datë 04.07.2024, rreth orës 01:20, në autostradën Tiranë-Durrës, shtetasi R. T., 35 vjeç, duke drejtuar motomjetin, dyshohet se ka humbur kontrollin mbi drejtimin e tij dhe motomjeti ka dalë nga rruga. Si pasojë shtetasi R. T. ka ndërruar jetë në vendngjarje.
Grupi hetimor po punon për sqarimin e rrethanave të aksidentit.
