Një revoltë e të dënuarve ka shpërthyer në burgun e Janinës pasi forcat speciale greke ndërhynë për të kontrolluar një të burgosur shqiptar që drejtonte një aktivitet kriminal nga qelia.
Edmond Përbasha, i njohur ndryshme me nofkën "Modi", “Bossi” apo “Shefi” ishte nën hetim prej 4 muajsh bashkë me nëndrejtorin e IEVP-së, llogaritarin e burgut, administratorin, një gardian, një të burgosur dhe dy persona të tjerë.
Hetimet nisën në mesin e janarit të kaluar, kur Policia mori informacione për një të burgosur, i cili me ndihmën e punonjësve të policisë dhe punonjësve të burgut importonte drogë, celularë dhe para nga kriminelët në burg dhe nga shitja e drogës. Në të njëjtën kohë, u konstatua se për mbrojtjen e tyre, anëtarët e organizatës zbatuan masa kundër vëzhgimit dhe përdorën fraza dhe fjalë të koduara.
Nga data 20 prill 2023 deri më 3 qershor 2024, u konstatua se depozitat e regjistruara në emër të shqiptarit kapin vlerën e afërsisht 50,000 euro. Paratë legalizoheshin nëpërmjet konsumit të produkteve brenda burgut dhe kreditimit të palëve të treta. Nga hetimi u zbulua se zëvendësdrejtori kishte një rol katalizator për veprimin e bandës brenda burgut pasi kishte lejuar përdorimin e celularëve dhe njoftonte të burgosurin shqiptar për kontrollet e pashmangshme në qeli.
Pas zbulimit të bandës dhe aktivitetit të tyre brenda burgut, forcat speciale EKAM dhe MAT, bashkë me Shërbimin e Kontrollit të Brendshëm kanë ndërhyrë në burg prej orës 06.00 të mëngjesit për të ekzekutuar disa urdhër arreste por kjo gjë ka sjellë revoltën e të dënuarve. Të burgosurit nisën menjëherë të djegin dyshekë dhe sende të tjera, dhe u desh ndërhyrja e zjarrfikësve për të vënë situatën në kontroll.
