Dyzet persona janë plagosur pasi një avion i Air Europa nga Spanja në Uruguai përjetoi turbulenca të forta dhe bëri ulje emergjente në Brazil.
Avioni përjetoi turbulenca "të rënda" herët në mëngjes të hënën dhe u ul në mënyrë të sigurt në Aeroportin Ndërkombëtar Natal në São Gonçalo do Amarante.
Tridhjetë persona morën kujdes mjekësor në aeroport, ndërsa 10 të tjerë duhej të transportoheshin në spital për ekzaminime të mëtejshme.
Air Europa tha në një deklaratë të mëparshme se shtatë persona pësuan lëndime të "shkallave të ndryshme" dhe kishte "një numër të papërcaktuar njerëzish me lëndime të vogla. Për shkak të natyrës së turbulencave dhe për arsye sigurie, u vendos që të devijohej fluturimi drejt Aeroportit Ndërkombëtar Natal në Brazil”.
Avioni ishte nisur nga Madridi-Barajas dhe ishte rrugës për në Aeroportin Ndërkombëtar Carrasco në Montevideo, Uruguay, kur ndodhi incidenti.
Videot e pasagjerëve treguan dëmtime në kabinën e avionit dhe pasagjerë të plagosur dhe shtrirë në korridor.
Në momentin e turbulencave në avion kishte 325 pasagjerë.
1 penumpang sampai nyangkut di overhead compartment kabin pesawat dan 30 penumpang cedera akibat turbulence di Samudra Atlantik !
— Gerry Soejatman (@GerryS) July 2, 2024
Pada 30Juni24, 30 penumpang cedera ketika pesawat Air Europa dengan nomor penerbangan UX45 dari Madrid ke Montevideo terkena clear air turbulence… pic.twitter.com/CmAlfQE6pW
