Skandali i Onkologjikut ka prodhuar lajme ditën e sotme pasi protagonistët janë paraqitur në gjykatë për t'u njohur me masat e sigurisë.
Përveç mjekes Alketa Pere që 'e shqetësuar' për pamjen e jashtme iu hakërrye gazetarëve dhe mjekut Edmond Gashi që "ia mbathi" vrapit për të shmangur përballjen me mediat, vëmendje ka marrë edhe shoferi i këtij të fundit.
Mediat kanë publikuar pamjet e makinës së shoferit të Gashit i cili para gjykatës 'festonte' me muzikë latine me volum të lartë. Teksa “bossit” të tij i konfirmohej masa e sigurisë, shoferi vazhdonte 'ahengun' e tij para gjykatës.
Burime për JOQ ALBANIA bëjnë me dije se mjeku Edmond Gashi i cili u la në 'arrest shtëpie' ka shkuar për të drekuar në një restorant në Kashar pavarësisht masës që duhet të respektojë. Ai është parë nën shoqërinë e tre personave të cilët janë kujdesur që mjeku të mos fotografohej në asnjë moment.
