Ndeshja me Spanjën, UEFA gjobit me 86,500 € Shqipërinë

Federata Shqiptare e Futbollit është gjobitur sërish nga UEFA.

Vendimet e Komisionit të Etikës dhe Disiplinës janë për ndeshjen e fundit përballë Spanjës e cila u luajt në Dyseldorf.

Vlera totale e gjobës është 86,500 euro dhe problematikat e evidentuara janë: ndezja e flakadanëve, transmetimi i mesazheve të papërshtatshme, hedhja e sendeve dhe pushtimi i fushës.

Vendimi i plotë nga UEFA:

• Të gjobisë Federatën Shqiptare të Futbollit me 8,500 euro për ndezjen e flakadanëve.
• Të gjobisë Federatën Shqiptare të Futbollit me 25.000 euro për transmetim e mesazheve të papërshtatshme për një ngjarje sportive.
• Të gjobisë Federatën Shqiptare të Futbollit me 45,000 euro për hedhjen e sendeve.
• Të gjobisë Federatën Shqiptare të Futbollit me 8,000 euro për pushtimin e fushës.

Vlen të thuhet se kjo është hera e tretë që UEFA gjobit FSHF për ndeshjet në Euro2024 pasi është gjobitur edhe në dy ndeshjet e raundeve të para, ndaj Italisë (37,375 euro) dhe Kroacisë (47.500 euro), po për të njëjtat arsye.