Mjeku Edmond Gashi i përfshirë në skandalin e spitalit Onkologjik, ku pacientët me sëmundje tumorale drejtoheshin te klinika e tij private, ka mbërritur në Gjykatën e Tiranës për t'u njohur me masën e sigurisë.
Gashi nuk ka folur shumë para gazetarëve, por ka deklaruar se ai ka bërë vetëm punën e tij.
“Unë bëj vetëm punën zotëri”.
Mjeku akuzohet për veprën penale të “Shpërdorimit të detyrës” dhe gjykata i ka caktuar masën e sigurisë “Arrest shtëpie”. Ai dhe kolegët e tij në spitalin Onkologjik akuzohen se i kanë orientuar pacientët me kancer që të shkonin te klinika private “Megis” në pronësi të tij dhe të sëmurëve që bënin kimioterapi në Onkologjik nuk u jepej doza e plotë e ilaçeve pasi kjo dozë nxirrej më pas në shitje në disa farmaci në Tiranë.
