Xhuliano Halili, ka marrë përsipër autorësinë e vrasjes së 35-vjecarit Alfons Ndoci dhe plagosjen e 46-vjecarit Altin Vokrri sot në burgun e Koridhalos.
Policia greke bën me dije se Halilit i është gjetur një thikë kuzhine me të cilën dyshohet se kreu krimin. Ndërkohë po hetohet se ku e gjeti thikën 42-vjecari dhe cili ishte motivi i ngjarjes së rëndë.
Kujtojmë se në vitin 2018, Halili ka qenë bashkëpunëtor me Ndocin gjatë arratisjes nga mjeti i transportit të të burgosurve në Portin e Pireut dhe të dy janë kapur më pas së bashku nga policia greke.
Halili mësohet se është autor edhe i dy vrasjeve të tjera me pagesë, në vitin 2008 dhe 2009, ku viktima të tij ishin dy shtetas grekë.
