Çdo ditë e më shumë Tiranës i shtohen pallate të reja dhe punimet për ndërtimin e tyre vijojnë pa pushim si gjatë ditës ashtu edhe gjatë natës.
Por për banorët e zonës së ish-Kompleksit Dinamo zhurmat e punimeve gjatë natës janë bërë të padurueshme.
Ata thonë se kompania ARLIS.shpk e oligarkut Armand Lilos prej dy netësh ka nisur punën për shembjen e një shtëpie private, por zhurma e punimeve dhe mjeteve të rënda është e papërballueshme.
Ata kanë bërë disa denoncime në polici për këtë problem por thonë se askush nuk ka marrë masa dhe ARLIS vijon punimet deri në orën 2-3 të natës.
Denoncimi i qytetarit:
JOQ pershendetje, jemi tek kompleksi dinamo, perball pallatit te sporteve po behet nata e dyt qe vazhdojn dhe shembin shtepine deri ne oren 3 te mengjesit. Zhurme e papare, kemi bere disa denoncime dhe policia nuk vjen. Kompania ARLIS punon vetem naten, deri ne 2-3 te nates per shembje dhe pastrime objekti me mjete te renda
