Para pak ditësh, në rrugën nacionale Dibër – Bulqizë, Fadil Tërnova, ndaloi në mes të rrugës një tjetër makinë dhe doli me kallash në dorë duke zbrazur breshëri plumbash përkundrejt makinës që e ndaloi dhe drejtuesit të saj (videoja bashkëlidhur).
Shtetasi Fadil Trenova, nuk e kishte për herë të parë këtë veprimtari kriminale banditeske, pasi ai ka një CV (kartelë) të pasur kriminale, duke filluar që në vitin 2009 ku ai plagosi rëndë një shtetas (V.Sh).
Në vitin 2012 gjatë një kontrolli atij iu kapën armë dhe fishekë; serish në vitin 2012 ai kanosi dhe plagosi nje tjetër shtetas, ndërsa në vitin 2013 ai dyshohet se vrau nje shtetas dhe plagosi rëndë një tjetër. Në vitin 2015 serish Fadil Tërnova gjatë një kontrolli i gjenden arme zjarri dhe municione, ndrësa pistoletën e mbante të mbushur gati për të hapur zjarr.
Në vitin 2020, Fadil Tërnova arrestohet dhe gjatë ndalimit atij iu gjet sërish armë dhe municion luftarak.
Ai dyshohet se kreu edhe shtrengim për dhënie pasurie në disa raste dhe për të gjitha këtë veprimtari Kriminale ai në total ka bërë një here 8 muaj burg dhe herën e dytë 2 vite burg. Mekanizmat dhe procedurat se si ky kriminel ka mundur të reduktoje vitet e burgut dhe te gjendet i lirë pas çdo arrestimi përveçse janë uleritëse, kriminale janë edhe të çuditshme?!
Nuk mbaron me kaq i forti i Dibrës, i dënuar e recidivisti Fadil Tërnova nuk ndalon; sërish në korrik të vitit 2023, në mes të rrugës ai dhunon brutalisht drejtorin dhe dy punonjës tjerë te policise Bashkiake; edhe për këtë ngjarje ai thjesht u shpall në kërkim, ndërkohë leviz i lirë në mes të qytetit pa asnje lloj frike.
Fadil Tërnova edhe pse i shpallur në kërkim, i shkon shefit të komiariatit Bulqizë “në zyrë” dhe e kërcënon atë se pse e ka shpallur në kërkim, i kërkon ta heqë nga kërkimi mbase me te drejte pasi ai leviz i lirë në mes të qytetit pa asnjë pengesë.
Duke qenë në kërkim, më 13 Maj 2024 teksa po udhëtonte me makinën e tij “Land Rover” në rrugën Nacionale Dibër – Bulqizë, ai i bën me shenje që të ndaloje një makine tjeter qe vinte perball tij; e therret drejtuesin e mjetit dhe pasi bisedon me të tenton ta godasë me grushta. Duke parë që me grushta nuk po e realizonte qëllimin e tij, ai nxjerr kallashin nga makina, dhe fillon të gjuajë me bresheri fishekësh, ndërkohe që ne rrugë kalonin makina të rastit; për fat të mirë i targetuari fshihet, por Fadil Ternova vijon të gjuaj ne drejtim të makinës dhe pasi e zbraz të gjithe karikatorin e fishekeve shkon dhe i gjuan xhamit me qytën e armës. Pas gjithë kësaj skene ai largohet i qetë ne drejtimin e tij “të paditur” për policinë.
Burime për JOQ Albania, bëjnë me dije se, Fadil Tërnova nuk është njeri pa mbështetje, ai nuk eshte thjesht një kriminel i rëndomtë, por ai është një kriminel që ka burime të besueshme (dyshohet) se mbrohet nga Drejtori i Policise së DVP Dibër z. Dhimitraq Ziu, si dhe nga zv. Drejtori për Krimet; gjithashtu ka të dhena objektive se mbrohej edhe nga z. Urim Buci, një ish oficer që më pas emërua prokuror për tu bërë edhe drejtues i prokurorisë Dibër; që në një rast thuhet se ky i fundit, kërkoi të negocionte heqjen e recidivistit Fadil Tërnovës nga kërkimi.
Fadil Tërnova, një shtetas me një CV kriminale kaq të gjatë për vepra penale shunë rënda dhe me rrezikshmëri të lartë shoqërore, vijon të jetë i lirë, pa më të voglin shqetësim. Ai është një burim rreziku, gjithmonë e kurdoherë lëviz me armë me vete, ndërsa Polici Dhimitraq Ziu, vijon të rrijë i qetë në detyrën e drejtorit të DVP Dibër, të arrestojë qytetarë hallexhinj për ndërtim pa leje të gardhve, të arrestojë drejtues mjetesh që përplasen me murin apo me kazanat e plehrave, të arrestoje shtetas qe mbajne me leje armë gjahu për te ruajtur bagëtite nga ujku apo të beje bujë me arrestimin e nje dervishi që yshte nje grua me kërkesen e saj dhe të familjareve apo të ndalojë për një cigare hashash konsumatëret(veprim i depenalizuar) e të tjera ngjarje që kane hallexhinjtë e Dibrës, por të cilat përmbushin kriteret e statistikës.
Sjellim në vëmendje se në Minierën e Bulqizes, për shkak të kushteve skandaloze të punës, aferave për lejet për përdorimin e lëndeve plasëse dhe shkeljeve te rregullave të sigurise në punë, kane humbur jeten vetëm për këtë vit dy minatorë; policia nuk ka ndërmarrë asnjë lloj mase parandaluese apo kontrolluese, nuk ka ndaluar apo arrestuar shfrytëzuesit e ketyre minierave por ka njoftuar vetem se ka filluar hetimet apo kanë ndaluar personat “presta nome”.
Komuniteti në Dibër është i shqetësuar për gjendjen ne liri të plotë të kriminelit recidivist Fadil Tërnova. Presim që Drejtori Dhimitraq Ziu të bëjë detyrën, të shkojë të “takojë” të shpallurin në kërkim dhe ta çojë atë në dhomat e paraburgim që të dalë para drejtësise.
