Gjyqtarja Armela Hasantari ka vendosur të lërë në masën e sigurisë detyrim paraqitje 28-vjeçarin Jurgen Cela, i cili dy ditë më parë aksidentoi rëndë një vajzë 26 vjeçare, në rrugën e Durrësit, në Tiranë.
Pasi shkaktoi aksidentin ai u largua nga vendngjarja duke mos i dhënë ndihmën e parë dhe më pas u vetëdorëzua në polici.
Jurgen Çela ka qenë nën efektin e alkoolit, kundravajtje dhe me shpejtësi të lartë, kur ka përplasur 26-vjeçaren që lëvizte me motor.
E reja është në ghjendje kritike. Ajo ka dëmtuar rëndë gjymtyrët si dhe ka dëmtim të pankreasit dhe mëlçisë.
Gjykata vendosi ta lirojë 28-vjeçarin pa asnjë argument. Vendimi i gjyqtares Armela Hasantari është i ndryshëm nga kërkesa e Prokurorisë.
