“Shoferi i autobusit humbi drejtimin”- 14 të lënduar në një aksident në Novobërdë, policia jep detaje

Shkruar nga: B Hasi | Publikuar më: 03.04.2024, 11:06

14 persona kanë pësuar lëndime trupore si pasojë e një aksidenti mes një autobusi dhe një veture në Prekoc të Novobërdës pasditen e së martës.

Një gjë të tillë e ka njoftuar Policia e Kosovës me anë të raportit 24-orësh, duke shtuar se të lënduarit janë dërguar për trajtim në QKUK.

Sipas policisë, drejtuesi i autobusit e ka humbur drejtimin duke kaluar në shiritin e kundërt të rrugës dhe duke u përplasur me veturën.

“Prekoc, Novobërdë / 02.04.2024 – 13:15. Një autobus dhe një automjet transportues janë përfshirë në aksident trafiku në mes veti. Si pasoj e aksidentit 14 persona kanë pësuar lëndime trupore . Aksidenti dyshohet se ka ndodhur kur drejtuesi i autobusit për arsye të panjohura ka humbur kontrollin mbi drejtimin e autobusit duke kaluar në shiritin e kundërt të lëvizjes dhe është përplasur frontalisht me automjetin që po lëvizte në anën e kundërt. Të lënduarit kanë pranuar trajtim mjekësor në QKUK”, thuhet në njoftim.

Në konsultim me prokurorin, rasti ka kaluar në procedurë të rregullt.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit