E dashura e Aureljos e lidhur më parë me një prej autorëve, 18-vjeçarin e vrau një i mitur

Shkruar nga: A Shehaj | Publikuar më: 01.04.2024, 15:19

Një i mitur dyshohet se është autori i vrasjes së 18-vjeçarit Aureljo Dervishi në rrethrrotullimin e Shkozës, Tiranë.

15-vjeçari ka pranuar para hetuesve se ka patur një thikë me vete kur është konfliktuar me 18-vjeçarin, por bashkë me të janë ndaluar edhe 3 miq të tij, 20-vjeçari Frensis Shehu dhe dy 16-vjeçarë.

Ashtu siç u tha edhe më parë, shkak për ngjarjen e rëndë është bërë një vajzë 16-vjeçare. Kjo vajzë më parë ka qenë e dashura e një prej djemve të ndaluar, por së fundmi kishte krijuar një lidhje me 18-vjeçarin Dervishi.

Edhe në momentin e ngjarjes së rëndë, ajo ka qenë në makinë me 18-vjeçarin dhe disa miq të tij. Kur të rinjtë e kanë marrë vesh këtë, i kanë kërkuar 18-vjeçarit të ndalojë makinën, por aty ka nisur një debat me ofendime e fjalë banale.

Pas kësaj të rinjtë janë konfliktuar fizikisht dhe 15-vjeçari dyshohet se e ka goditur Aureljon me thikë në kraharor, i nxitur nga shokët e rritur. I riu nuk ka mundur të mbijetojë dhe ka humbur jetën rrugës për në spital.

Zbardhja e plotë e ngjarjes pritet të shoqërohet me fletë-arrestet për të miturit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit