Kufijtë e Greqisë mbyllen pas grevës, Ministria e Jashtme e Kosovës del me njoftim

Shkruar nga: B Hasi | Publikuar më: 01.04.2024, 21:23

Ministria e Punëve të Jashtme dhe Diasporës ka thënë se që nga nesër me fillim në ora 06:00 e mëngjesit e deri më 4 prill, kufijtë e Greqisë do të jenë të mbyllur.

Kjo si pasojë e një greve 48 orëshe të paralajmëruar nga shërbimi doganor grek.

MPJD ka bërë të ditur se kalimi i kufirit do të lejohet vetëm për këmbësorët, pa bagazhe dhe për personat me probleme serioze shëndetësore.

“Shtetasit e Republikës së Kosovës që mund të kenë nevojë për informacione shtesë inkurajohen të kontaktojnë Zyrën e Interesave të Kosovës në Athinë në numrin e mëposhtëm të telefonit: +30 210 721 1711”, thuhet në njoftim.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit