Makina përplaset me stacionin e autobusit, humb jetën 21-vjeçarja shqiptare

Shkruar nga: A Shehaj | Publikuar më: 01.04.2024, 14:09

Një 21-vjeçare shqiptare ka humbur jetën në një aksident tragjik të ndodhur mëngjesin e sotëm në Patrida Veria, Greqi.

E reja ishte duke pritur autobusin në stacion bashkë me një 68-vjeçare kur një makinë humbi kontrollin dhe u përplas me to.

Makina e drejtuar nga një 64-vjeçar, banues në Naoussa, e cila ishte nisur nga Veria për në Naousa, ka kaluar në drejtim të kundërt dhe është përplasur me strehën e autobusit në km 6 të rrugës provinciale Veria-Skydra.

Nga përplasja e ashpër, 68-vjeçarja ka rënë në çimenton e oborrit të një banese dhe ka humbur jetën. Ndërkohë që të renë shqiptare makina e ka hedhur 10 metra larg. Ajo u transportua me urgjencë në spitalin e Verisë, por humbi jetën pak minuta më vonë.

Dëshmitarët në vendngjarje thanë se në momentin e aksidentit autobusi ishte vetëm 50 metra larg dhe në pak sekonda shqiptarja dhe e moshuara do të ishin në të.

Ka dyshime se shoferi 64-vjeçar nuk është ndjerë mirë dhe për këtë arsye ka humbur kontrollin e makinës.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit