Një shpërthim me tritol ka ndodhur në orët e para të mëngjesit të sotëm në Shkodër.
Nga informacionet e deritanishme bëhet e ditur se lënda plasëse është vendosur në portën e oborrit të banesës së 62-vjeçares Frida Sala në lagjen “Tom Kola”.
Si pasojë e shpërthimit janë shkaktuar vetëm dëme materiale. Në vendngjarje kanë shkuar forcat e policisë, të cilat vijojnë kontrollin në zonë.
Njoftimi i policisë:
Rreth orës 03:40, në lagjen "Tom Kola", Shkodër, tek porta e oborrit të banesës së shtetases Frida Sala, 62 vjeçe, është hedhur lëndë plasëse. Si pasojë janë shkaktuar vetëm dëme materiale.
