Një apel për ndihmë ka mbërritur së fundmi në redaksinë tonë.
Diana, një vogëlushe 11 muajshe ka nevojë për ndihmën e shqiptarëve pasi një patologji tejet e rëndë në palcën kurrizore i rrezikon jetën.
Gjendja e saj është duke agravuar dhe nga momenti në moment mund të përfundojë e intubuar. Familjarët edhe pse e pritën me padurim ardhjen e saj në jetë, tani janë dorëzuar para kësaj sëmundje të rëndë që po e tret dita-ditës.
Babai i Dianës vuan nga epilepsia dhe nuk është në gjendje të punojë. Prandaj nëna e saj kërkon ndihmën e shqiptarëve që Diana të kryejë transplantin e palcës kurrizore dhe t’i kthehet jetës si gjithë fëmijët e tjerë.
Kushdo që ka mundësi dhe dëshirë mund të kontribuojë në linkun e mëposhtëm:
Apeli i familjarëve:
Diana është vetëm 11 muajshe por rrezikon të humbasë jetën! Vogëlushja vuan nga një patologji tejet e rëndë në palcën kurrizore që po i demton rëndë rruazat e bardha dhe mushkëritë. Nga momenti në moment, Diana mund të përfundojë e intubuar e mund të mbyllë sytë përgjithmonë. Familja e priti plot gëzim e lumturi ardhjen e vogëlushes në jetë, por shumë shpejt u përball me sëmundjen e rëndë që po e tret dita-ditës Dianën.
Nëse nuk niset urgjentisht jashtë vendit për të kryer transplantin e palcës kurrizore, ajo mund të vdesë. Prindërit e saj janë dorëzuar dhe nuk kanë asnjë mundësi për ta çuar jashtë të voglën e tyre. Babai vuan nga epilepsia dhe nuk ka mundësi të punojë. Ata jetojnë në fshatin Papër Sallak, një vend i largët pa asnjë shpresë.
Me lot ndër sy, nëna e Dianës i lutet shqiptarëve që t’i shpëtojnë të bijën në këtë muaj të shenjtë.
