Një 20 vjeçar është përplasur për vdekje nga një automjet pasditen e sotme në aksin rrugor Shënavlash-Sektor Rina.
"Në segmentin rrugor Shënavlash-Sektor Rina, automjeti me drejtues shtetasin L. B., 33 vjeç, ka goditur këmbësorin, shtetasin D. N., 20 vjeç, i cili ka humbur jetën në spital", njofton policia.
Shoferi i makinës është shoqëruar në Komisariatin e Policisë Durrës, për veprime të mëtejshme.
