Florian Muka dhe Klajdi Muka, njëri 18 dhe tjetri 17-vjeç, janë dy të rinjtë e arrestuar që akuzohen për vrasjen e 19-vjeçarit Grei Bihuci, pak ditë më parë në Fier.
Të rinjtë që janë kushërinj me njëri-tjetrin kanë goditur me thikë 19-vjeçarin që kishte ndërhyrë në sherr për shokun e tij.
Këtë version ka mbështetur edhe vetë 18-vjeçari i arrestuar, Florian Muka i cili para hetuesve ka deklaruar se Grein nuk e njihte fare dhe se problemin dhe sherrin e ka patur me shokun e tij, Olti Serjanaj. Por kur Grei ka parë se dy kushërinjtë Muka po rrihnin shokun e tij, ka ndërhyrë për t'i ndarë.
Në këtë moment ai është goditur me thikë dhe ka ndërruar jetë në spital si pasojë e plagëve të marra. Ndërkohë që shoku i tij, Olti Serjanaj ndodhet ende në spital pasi ka mbetur i plagosur rëndë nga ky sherr.