Policia Rajonale në Gjilan në koordinim me Prokurorinë, ka zhvilluar një aksion në këtë qytet, ku si rezultat është arrestuar një person dhe është konfiskuar mbi 1 kg drogë.
Në njoftimin e Policisë thuhet se bastisjet janë zhvilluar gjatë hetimit të një rasti për veprën “Shkaktim i rrezikut të përgjithshëm’’.
Gjatë kontrollit policor në shtëpinë e të dyshuarit, është konfiskuar mbi 1 kilogram substancë e dyshuar narkotike e llojit marihuanë, ndërsa i dyshuari është dërguar në mbajtje për 48 orë.
“Njësiti i hetimeve të Stacionit Policor Gjilan, me datën 12.03.2024 në koordinim dhe leje të Prokurorisë Themelore në Gjilan, në kuadër të hetimit të rastit ‘’Shkaktim i rrezikut të përgjithshëm’’ i datës 10.03.2024 ka realizuar një operacion kontrolli në shtëpinë dhe objektet përcjellëse të të dyshuarit A.Sh. (viti i lindjes 2001, mashkull kosovar shqiptar) nga Gjilani.
Gjatë kontrollit janë gjetur dhe konfiskuar 1 kilogram e 154.6 gramë substancë e dyshuar narkotike e llojit marihuanë, e cilat do të përdoren në cilësi të provave materiale për gjykatën.
I dyshuari është arrestuar dhe me vendim të prokurorit të shtetit i është caktuar masa e ndalimit prej 48 orëve, ndërsa konform kompetencave lëndore rasti i referohet njësisë për hetim të narkotikëve në rajonin e Gjilanit.”
