Një ngjarje e rëndë raportohet të ketë ndodhur rreth orës 08:00 të mëngjesit të sotëm në fshatin Qukas i Vjetër.
Haziz Musaku ka qëlluar me mjet prerës sëpatë, vëllain e tij, Nazif Musakun rreth 77 vjeç, ndërsa ky i fundit e ka plagosur të vëllanë me armë zjarri pistoletë.
Të dy të plagosurit janë transportuar në spital dhe ndodhen në kujdesin e mjekëve. Haziz Musaku raportohet të jetë në gjendje të rëndë shëndetësore.
Sipas dyshimeve të para, konflikti midis vëllezërve ka ndodhur për motive pronësie.
