Alted Jolldashi 27 vjeç është plagosur me armë pasditen e sotme në Pogradec. Mësohet se ndaj tij është qëlluar 4 herë, por e kanë kapur vetëm dy plumba, një në shpatull dhe një në këmbë.
Jolldashi është qëlluar me armë nga një person pas një sherri të momentit.
Njoftimi i policisë:
Më datë 01.03.2024, rreth orës 16:30, në vendin e quajtur “Kryqëzimi i Tushemishtit”, gjatë një konflikti të çastit, dyshohet se ka mbetur i plagosur me armë zjarri shtetasi A. J., rreth 27 vjeç, banues në fshatin Buçimas, Pogradec, i cili u dërgua në spitalin e Pogradecit për ndihmë mjekësore, ku ndodhet jashtë rrezikut për jetën.