Zaim Meci nga Gramshi, 80 vjeç, u fut në mes të flakëve për të shpëtuar mbesën e tij 8-vjeçare. Banesa ku ai jetonte me familjen, në fshatin Kukur, u përfshi nga flakët, dhe gjyshi hero rrezikoi jetën e tij për t’i shpëtuar jetën mbesës.
I riu nga Tirana, i cili pas mesnate i dhuroi disa të holla një të moshuari që po flinte në një stacion autobusi. Ndoshta vlera e parave nuk ishte e madhe, por ato pak, i siguruan ushqim të moshuarit që në të ftohtë po flinte pranë stacionit të urbanit.
Selman Mihana, ekonomisti 70-vjeçar, i cili u qëllua për vdekje me armë, pasi mbrojti punëdhënësin e tij Ardjan Gjeloshin. Ai i doli me trup para pronarit duke bllokuar edhe me duar plumbat nga ekzekutuesi.
Bledar Çakalli, i riu patriot, i cili jo vetëm zbukuron muret dhe rrugët e Shqipërisë me vizatime patriotike dhe të heronjve, por i angazhuar gjerësisht në tema që kanë për synim mbrojtjen e atdheut. Së fundmi ai u arrestua nga policia, pasi protestoi para SPAK-ut në ditën kur mbahej seanca e Fredi Belerit.
Mjekët e Durrësit, Denisi, Antoni, Bilali dhe infermiere Stela, që operuan Zarijen, e cila bëri apel për ndihmë në JOQ Albania. Ajo ishte me tumor në gjoks, dhe një klinikë private, bashkë me mjekët e Durrësit iu gjendën pranë në çdo situatë. Sot ajo gëzon shëndet të plotë.
Zjarrfikësit që shpëtuan macen e mbetur në pemë. Menjëherë pas telefonatës nga qytetarë, dy zjarrfikës shkuan në vendngjarje dhe zbritën nga pema macen që kishte ngecur sipër. Ky veprim është vlerësuar nga shumë qytetarë.
