Edhe këtë muaj po ju prezantojmë me kandidatët për “Haramin e Muajit”.
Gjergj Luca, pasi mori pronat e shtetit me 1 euro dhe pasi detyroi punonjëset e tij të mbushnin mitingjet elektorale të Rilindjes, oligarku filmonte disa besimtarë dhe fliste kundra Biblës
Natasha Rombula, gjyshja që detyronte nipin të dilte dhe të shante në Tik-Tok për të përfituar para. Pa asnjë përgjegjësi ajo nxirrte nipin në rrjetin social dhe i thonte të shante të tjerët.
Gruaja italiane, e cila pas një aksidenti me makinë me shqiptarët, përdori një gjuhë fyese dhe gjeste të turpshme kundër popullit shqiptar. Ajo ofendonte pa të keq të gjithë shqiptarët.
Suada Muca, tiktokerja shqiptare, nënë e dy fëmijëve, e cila për të fituar para në Tik-Tok nxjerr pjesët intime. Duke parë që në këtë rrjet social ka një numër të konnsiderueshëm të rinjsh ajo është një shembull i keq për rininë shqiptare.
Durim Koçi, patronazhisti i Rilindjes, i cili dhunoi me grushta rojen e një shkolle në Elbasan. Ai u mërzit me rojen se pse nuk i lejoi gruan brenda në shkollë dhe e goditi atë dy herë, duke e rrëzuar në tokë.
Altin Çoku, 39-vjeçari nga Laçi, i cili shtyu drejt vetëvrasjes një 27-vjeçare. Çoku publikoi një foto intime të saj dhe e shpërndau në Tik-Tok. E reja nuk e duroi gjithë presionin e komenteve negative dhe vendosi t’i japë fund jetës.
Shkëlzen Metushi, shefi i Komisariatit në Kurbin, i cili hoqi kamerat pak ditë para atentatit të ndodhur në atë zonë. Metushi urdhëroi efektivët e policisë për të hequr kamerat e sigurisë në biznesin e shënjestrës së atentatit duke ua bërë edhe më të lehtë punën autorëve.
Asqeri Mandri, 40-vjeçari nga Kamza, i cili ruante me kamera bashkëshorten e tij dhe vajzat. Ai kishte vendosur kamera në çdo dhomë të shtëpisë për të kontrolluar gruan e tij.
Ilir Koçilja, autori i vrasjes në Durrës. Ai qëlloi për vdekje Halil Kokën pas sherrit për vendin e parkimit.
Fëmijët vrasës të Pëllumb Metës, janë në këtë listë për të gjitha veprimet e kryera në atë krim që ende nuk dihen shkaqet e vërteta(pa marrë parasysh arseyt). Përveç vrasjes, ata organizuan gjithçka pas saj, duke e varrosur babain në kasollen e bagëtive, duke e raportuar të humbur dhe mbi të gjitha duke mos u ndjerë aspak fajtorë për atë që kishin kryer, madje edhe qeshin në Gjykatë.
