Një 50-vjeçar është arrestuar në Kavajë pasi ka ngacmuar seksualisht një vajzë të mitur.
Ka qenë vetë 14-vjeçarja ajo që ka bërë denoncimin për 50-vjeçarin pasi ky i fundit e ka ngacmuar seksualisht në rrugë.
Njoftimi i policisë:
Si rezultat i administrimit të menjëhershëm të kallëzimit të një të miture, se ishte ngacmuar seksualisht, në rrugë, specialistët për Hetimin e Krimeve të Komisariatit të Kavajë bënë të mundur identifikimin dhe arrestimin e autorit të dyshuar, shtetasit P. Xh., 50 vjeç, banues në fshatin Luz i Vogël.
